السلام عليكم و رحمة الله و بركاته
-١-
ليش الريال لما يتزوج يوصونه ربعه بأشيااااء عجيبة غريبه ؟؟
يعني النصايح كلهاااا " صييير رياااااال " "لا تخلي مرتك تمشيك ورااهاا " "ترى الحريم ما ايوون الا بالعين الحمرااا" ؟؟
هوشهالسالفه؟ هذه رجووووله ؟؟ والله صج سؤال يطرح نفسه ليش هالنصايح؟؟
-٢-
والا واااااحد حدددده فرييييي بس يتزوج يحكر مرته
ما تطلعين ؟ و لا تروحين و لا تردين ؟ مكانج بيتج
الوظيفه هديها
و الطلعه حدج بيت اهلج و تردين
و ماكو طلعه مع رفيجات
و ماكو تلفون ولا نت بالليل
شسالفه الحجاره اللي تنزل فجأه على الرياييل؟؟
-٣-
وحده مسكينه عيزت و اهي تقول حق ريلها احبك وعليه عليها تنطر منه كلمه واحده بس مااااااكوووو
ما يعبر كلللش و الكلمه تطلع منه بالسنه حسنه انزين ليش؟ عيب؟ حرام ؟ ما يجوووز ؟
ترى والله مرتك و مسكينه عندها مشاعر و احاسيس تحتاج منك الكلمه ؟
-٤-
ليش الرياييل ايام الملجه غير ؟ يعني ماشاءالله السنع و الحجي الحلو و و و و و بعد العرس بجم شهر يتغير ١٨٠ درجه؟
مممم صج ريااييييل
مو كلهم صح بس في منهم واااايد جذي
و الا شرايكم ؟؟
9 comments:
السلام عليكم خيتوو
اول شي مبروك ع المدونه الحلوه
و الاسم الاحلى بس يبي لنا مع
كل بوست تحطينه طاوله يم الباب
و عليها CupCaKe و قهوه :)
و بالنسبه لتساؤلاتج الريال بطبعه
يحب يفرض شخصيته و يسيطر ع المره
بالحجاره و كثرت الممنوع و قلت
المسموح و في بالهم ان لو دلل مرته
و طاع كلامها خلاص بتركب على راسه
و تمشيه على هواها للاسف مفهوم
رجاااالي غريب و الكلام الحلو صعب
يطلع منهم لانهم بطبيعتهم جامدين
(( سوري معشر الرجال ))
بس المره بطبعهارومنسيه و حالمه
و كلها مشاعر و احاسيس و الحجي
الحلو يطلع منها بكل لحظه اذا
حبت هالريال لكن اهمه نااادر
منهم اللي يبدع بالحجي :)
طبعا ما اعمم على كل الرياييل
و لا كل الحريم بس الاغلبيه من الصوبين
تسلمين على هالبوست العنصري
^_*
قولج لازم لما تتزوج تاخذ قطو وتقص راسه جدام مرتك عشان تخترع :) والله شوفي انا معاج لما يتزوج لازم تكون زوجته اولويةوالزواج اخذ وعطا والله في ناس يتسترون يطلعون السنع قبل الزواج وبعده يطلعون شي ثاني وفي ناس محترمة من البداية لي النهاية والكلام عن الرياييل والحريم:)
قلب طفله افاااا عليج خلاص مع كل بوست الكب كيك موجود و القهوه بعد
بس انتي تدللي تبين جوكليت و الا فانيليا و الا شنو ؟؟
هههه و صح كلامج اصلا بعض الرياييل عنده ان التعبير عن المشاعر يقلل من رجولته
و ترى والله انا مو قصدي اثير الفتنه و العنصريه هههه بس ترى حتى العكس موجود وحده قالتلي عن وحده تصيرلها تخيلي ما تقول حق ريليها اي شي جاااااافه و جااااامده و ماكو رياكشن بالمواقف كلش
حتى هالشي غلط لازم يكون فيه توازن بين الطرفين و توافق و تفاهم و الا شلون يعيشون براحه و سعاده؟
شكراااا لج مرورج نورتيييينااا
صقر قريش
انا سمعت عن القطوه يقولون امصع رقبتها جدام مرتك عشان تخترع لوووول
واااي شهالاجراااام
والله الحياه الزوجيه تفاهم و علاقه حب و موده بين شخصين
الله يوفق الجميع
و نصيحه للرياييل
خل يكون عندكم عطاااء مو بس تاخذوون
لان الحياة اخذ و عطا
و شكراااااا على المرور الكريم
اذا ما صاروا جذي يعني مو كويتيين
:p
موفقه :)
لاستاذ بلاليط
شكرا على المشاركه
لكن السبب اللي ذكرت ما اتوقع انه عذر للرجل انه يتغير
انا اقصد ان الرجل لازم يعرف المرأه و شخصيتها و مشاعرها و كل شي فيها
عشان الحياة تستمر برضى و قناعه من الطرفين
و عشان تكون علاقتهم قويه ما يفرقهم شي من الامور التافهه
شكرا لك عالمرور الكريم نورتنا
---
eng
اي والله شلون ؟؟
صج كويتيين
لوووول
شكرا عالمرور الكريم نورتنا
ايي والله لاحظت
صج شفيهم صايرين جذي
بكل شي انانيين
:\
ولا الحجارة صج يبطون الجبد
خير الاموراوسطهاا
نجمه اي والله صاجه خير الامور اوسطها
شكرا عزيزتي
Post a Comment